الصاحب الجدع
بقلم زينب فتحي
الصاحب الجدع هو اللي بيتقاسم معاك الوجع.هو اللي دايما تلاقيه بيقويك ويسند ظهرك.وفي المحنة يسابقك لاجل مايحلها. ويطمنك بإنك قدها وهتعدي يا جدع.الصاحب الجدع بيظهر ويبان من ميت مليون بأفعاله الجدعة.أصل شهامته وجدعنته مش ممكن تتدارى يا جدع.الصاحب الجدع عشرته بتدوم وتطول العمر كله أصلها مش صحوبية مصلحة لأ دي حقيقية. الصاحب الجدع تلاقيه بيشيل ويقولك عنك ياصاحبي هات الحمولة أكتافي شيالة وحمالة. الصاحب الجدع تلقى عنده الوفاء والأصل بالأكوام. الصاحب الجدع مؤمن إن الجدعنة دي واجب عليه مش فضل منه يا جدع.الصاحب الجدع إتربى في بيت أصول تقدر تأمنه على أمك وبنتك وقت غربتك ويكون قدالمسئولية. الصاحب الجدع مهما باعدت بينكم مسافات بيفضل على العهد يا جدع.الصاحب الجدع دايما بيشد إيدك للمعروف ولوفارقته يفضل يدعيلك من قلبه النضيف الجدع.مش أي حد نقدر نقول عليه إنه جدع وحدها المحن هي اللي بتغربل وتخليك تشوف الأصل من الصورة.الصاحب الجدع بقى نادر في الزمن ده يا جدع.إمسك في صاحبك الجدع ابن الاصول لأنه هدية من الرحمن تساندك على مرور المحن، ويحلي مر الأيام عليك.إمسك في الجدع وخليك أنت كمان صاحب جدع عشان ذكراك الحلوة تتحلى بيها الألسنة بعد ماتروح
