المزيد

آخر ميعاد

بقلمي – عادل عبد الرازق
———————–
آخر ميعاد بينّا يكون
والباقي يفضل ذكريات
صدقيني مستحيل نكون
عشاق بنرجع للطرقات
آن الآوان خطوتك تودّع خطوتي
آن الآوان نرسم ملامحنا سكات
ونمسح رسم قلوبنا من ع الشجرات
كان حلم طفل لكنه مات
على إيدينا يا حبيبتي بعد ساعات
آخر ميعاد بينّا يكون
والباقي يفضل ذكريات
كانت حكاية حب لسه بتتولد
فوق شراع أمانينا بتتفرد
زرعناها جنات بين المداين
كتبناها عناوين فوق المساكن
وكنا يا حبيبتي إنتي وانا
كنا زهور بين الجناين
تغني بلحن أسامينا الغنوات
آخر ميعاد بينّا يكون
والباقي يفضل ذكريات
صدقيني محال نكون
عشاق بنرجع للطرقات
طفل الهوى الرضيع مات واندفن
وجموع عينينا ما كفّتش تكون كفن
إحنا انتهينا من سكات
وكل اللي بينا يا حبيبتي مات
مدّي إيدك ودّعيني …
وانسيني وانسي اللي فات
كل اللي بينا مات
كل اللي بينا مات
آخر ميعاد بينّا يكون
والباقي يفضل ذكريات

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق