المزيد

.. في بحور الضلمة والنسيان

بقلمي – عادل عبد الرازق
———————–
إصرخي ..
من جوّه الضمير
إكسري ..
سور المستحيل
وابدري الحقيقة بيوت
في المدينة اللي عاشقة السكوت
تخنق ميلاد الموت
تفتح لينا البيبان
يزجع غنانا زمان
إصرخي ..
من جوّه الضمير
إكسري ..
سور المستحيل
الحيطان مالية المكان
القمر واعد وخان
واللي كان .. كان وكان
والسنين من غير آوان
إنتي اللي كنتي ف طريقي ضلمتي
إنتي اللي بعتي قلبي ونبضتي
ورسمتي ف عيوني حزني ودمعتي
وكسرتيني في دروبي وسكّتي
وتوّهتيني عن العنوان
إصرخي ..
من جوّه الضمير
إكسري ..
سور المستحيل
قولي الحقيقة ما تكدبيش
قولي إنك ماقبلتنيش
أكون عاشق كل ما فيكي
وانتي ياحبيبتي ماعشقتنيش
إحنا انتهينا كده بإيدك
ورفضتي إني أكون عيدك
ورضيتي إني أموت
وانتهي صورة وصوت
لمّا الضمير جواكي خان
إصرخي ..
من جوّه الضمير
إكسري ..
سور المستحيل
قوبي مرّه الحقيقة
اللي ماتت غريقة
في بحور الضلمة والنسيان

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق