المزيد

العدل والظلم تاه وسط الطواحين

كتب د.عادل زايد
مالك قاعد كده حيران
تايه في الدنيا وغرقان
طول عمرك بارع من الشطار
حالك متغير وليه زهقان
مجهود السنين مش لاقي تقدير
الناس فقدت اقل ضمير
الكل تايه في بحر هم غويط
ولا عادش رحمه ولا قلب كبير
الفلوس عاميه عيون الناس
ومعاهم شيطان وسواس خناس
فاكرين الدنيا أكل وشرب ورحلات
ونسوا وسط العيشه لازم إحساس
الوجوه بقت بكل الألوان
قدامك شكل ووراك يعلم الرحمان
ماسكين عالدنيا بكل قوه واصرار
ولا تهونش الا عالفقير الغلبان
صرخه في ضمير كل العايشين
من جوايا توصل الاف وملايين
فين الحب الاخلاص الضمير
علي تغيير الكون نقدر لو ناويين
جيل ورا جيل سجل يا تاريخ
من أيام السيف حتي الصواريخ
عارفين الظلم من العدل وواضحي
واليوم تاه العدل وسط الطواحين

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق